11:36 am 31 يوليو 2018

الصوت العالي

تهمته إنه شاب عايش أو بحاول يعيش بهالبلد!

تهمته إنه شاب عايش أو بحاول يعيش بهالبلد!

كتبت شقيقة الصحفي حذيفه جاموس المختطف لدى الأمن الوقائي منذ 10 أيام:


"مثل صباح اليوم الاسبوع الماضي (يوم الاحد) لبست أواعيك تعطرت بعطرك وكانك طالع متل كل يوم ع شغلك او الجامعه ما حاولت تودعنا او تسلم علينا يمكن.. يمكن لانك فكرت شو يعني مقابله متل اي مقابله رحتها من قبل حيسألوك نفس الاسئله ويحكولك بطل كلام وبلزمش تضل تتدخل بالامور تاعت البلد و يروحوك.


ممكن فكرت انو انا شو عامل انا فلسطيني بنحرق ع بلدي و ع ولاد بلدي إن صابهم اشي غلط وما بقدر اعمل حالي مش شايف، او ممكن حكيت م انا صحفي من يوم ما دخلت سنه اولى جامعه صحافة صار على عاتقي انقل الظلم واحاول اساعد لو بكلمه.


طلعت من البيت وتزيد ساعه ورا ساعه لحد ما عرفنا انو "ابنكم موجود عننا" وين هو ما بنعرف طيب شو تهمته ما حدا خبرنا!


يوم ورا يوم بنستنى خبر كل ساعه تمر كانها ٦٠ يوم مش ٦٠دقيقه، تهمته انو صحفي!! تهمته انو بحكي عن وضع البلد والغلط بالبلد!!! تهمته انو شب عايش بهالبلد او بحاول يعش بس. 


9 أيام على اعتقال أخي الصحفي حذيفة جاموس 


آخر صورة مع رتال صباح الاحد


لا للأعتقال السياسي"