كتب عقيل عواودة: الصمت على ما يجري في غزة

رام الله – الشاهد| كتب الصحفي عقيل عواودة: في كثير ناس وكثير صفحات لما يسمو مشاهير ما سمعنا صوتهم بالمرة خلال العدوان المستمر على أهلنا في غزة.

 قبل ما اسأل للإنسان العادي الي كل يوم بنصلب على الحواجز ساعات وساعات وكل يوم اما بيته او بيت جاره بقتحمه الاحتلال السؤال وين ما يسمو بالصف الأول من القيادة ومن ما يسمو المشاهير الي بنكون نطبل وراهم بالشوارع والافتتاحات وعزايم المطاعم عن تحشيد الرأي العام بمسيرات سلمية.. يا اخي زي تبعت الرئيس يعني مش تحريض ومش رح تخسر شغلك والله وما تخاف على تصريحك رح يضل ماشي.

بعرف في ناس كثير رح تزعل ، بس لما نتعب اول شي بنقول يا غزة يلا واليوم احنا بواد وغزة بواد احنا بعالم تاني.

القيادة وغسلنا ايدينا منها بس كارثه اذا الي من المفترض انهم مؤثرين عاملين زي النعام عن الي بيصير.

بعد هاي الجولة مفروض يكون عنا تقييم لكثير اشياء وهاي البلد بطبيعتها خافضه رافعه ومش رح ترفع الانذال بالمرة.