كتب عقيل عواودة.. مسجات من أصحاب الباب الورّاني

الضفة الغربية- الشاهد| كتب عقيل عواودة.. هاد البوست لكل الي ببعتولي مسجات من الباب الوراني.

تعالوا نتفق انه بهاي البلد ما بطلع لحدا يسكتنا او يقلنا شو هاد الي بتحكي في لانه ببساطه بنحكي عشان بلدنا الي روحنا الها.

ايمتى رح تفهمو يعني انه لما بنحكي احنا بنحكي عن بلدنا مش عن دار الي خلفوكو.. احنا بنحكي عن وطن بضيع ما بنحكي عن مزرعة ورثتوها من امياتكم .. بنحكي عن كرامة وطن مش عن دار الي خلفكم.

السحيج الي زعلان على المسؤول الي يننتقده... روح شوف أولاده وين وانت وين .. روح شوف حساباته البنكية واطلع على حالك بالمرايه شوف من اكم شارع بتهرب من الالتزامات الي عليك ... حرام عليك استخدم عقلك ربنا ما أعطاك اياه لترجعو صفر كيلو.