تسريب صوتي.. كوادر فتح في جنين: قيادتنا في قارة رام الله ما بتسأل عنا! (استمع)
الضفة الغربية – الشاهد| أظهرت تسريبات صوتية تداولها نشطاء على منصات التواصل الاجتماعي شكاية كوادر حركة فتح في جنين من تهميش قيادة حركتهم لهم.
وقال أحد كوادر فتح في التسريب الصوتي: "إخوان آخر اجتماع للجنة المركزية في جنين أو قراها أو أريافها متى؟ فش.. أنا ذاكر آخر مرة أجو قبل الانتخابات قبل سنة أو سنتين وما رجعوا، عند الانتخابات بنشوفهم وبعد الانتخابات ما بنشوفهم".
وأضاف: "ليش هيك القيادة بتتعامل معنا هيك، ليش بعاد عنا؟ مع إنه أصغر شبل في فتح بشتغل أكثر من قائد برام الله، ليش بعاد عنا، عايشن بقارة واحنا بقارة، هم بعاصمة واحنا بعاصمة؟".
وتابع: "لازم يتواصلوا معنا 24 ساعة، شو المانع ليش قيادات حماس بتعزي أصغر فرد عندهم، قسما بالله صرنا نغار منهم، ليش انتوا مش معبرينا، شو في أولى منا انكوا تحافظوا علينا؟ احنا ذخركم ع الأرض".
واستطرد: "انسونا من النسخ واللصق والناس شو بتحكي، وما تشغلونا بصحافة تافهة شو بتكتب، بدنا نعيد ترتيب البيت الداخلي من أصغر شبل في فتح، بتمنى يكون اجتماع فوري وعاجل للجنة المركزية ودوري وكل أسبوع ييجوا على قرية في جنين، القرى اللي كانت صفرا بدنا نرجعها صفرا (فتح) مش هلوقت كلها خضرا (حماس)، ليش صوتنا مش مسموع، شو المانع ييجوا كل أسبوع مهم جايين بسياراتهم مش مشي".
حالة الغضب والغليان في صفوف قواعد حركة فتح شابهتها ذات الحالة، بعد الهزائم المتتالية في الانتخابات المحلية والنقابية والطلابية وسط حالة من التخاذل التي تبديها قيادة فتح تجاه كوادرها.
وأظهر تسريب صوتي جديد تداوله نشطاء على منصات التواصل الاجتماعي في وقت سابق، خوف كوادر فتح من الشعبية الكبيرة لحركة حماس في الضفة الغربية، وقال أحد الكوادر الفتحاوية في التسريب الصوتي: "صار عندي شكوك إنه القيادة نايمة في العسل".
وأضاف: "الوضع الميداني اللي بصير في تطور رهيب لعناصر حماس على المستوى العسكري والطلابي والشعبي في الضفة الغربية.. أنا مش عارف هاد القيادة شايفة التطورات وقاعدة بتتسارع (..) فازوا بالانتخابات والشعب ع الفيسبوك ومنصات التواصل الاجتماعي ضد السلطة وبدعي ع السلطة وبتمنى زوالها".
وتساءل: "وين القيادة من رأس الهرم الرئيس محمود عباس واللجنة المركزية والمجلس الثوري، الأقاليم مغلوب على أمرهم ولكن القيادة وينها على اللي بصير في الضفة الغربية".
ويأتي التسريب السابق ضمن سلسلة تسريبات تداولها نشطاء على منصات التواصل الاجتماعي، والتي كان من ضمنها تسريباً صوتياً لكوادر فتحاوية تتناقش فيما بينها بشأن الاعتداء على الطلبة والأكاديميين في جامعة النجاح من قبل عناصر من أجهزة السلطة وطلبة الشبيبة وأمن الجامعة.
ويتحدث في التسريب الصوتي الكادر الفتحاوي الذي يقيم في أبو ظبي أنس القديري منتقداً ظهور قيادات فتحاوية على شاشة تلفزيون فلسطين للحديث عن الجرائم في جامعة النجاح بالقول: "هيبة قناة فلسطين أو حتى أي قناة أخرى مناهضة خليلها كينونتها.. خليها تظهر بمحتوى مختلف.. مش تظهر بواحد من هان ولا هان حكى زي أمين سر إقليم فتح في رام الله.. ولك شو دخل أهلك في هالشغلة كيف الناس بدها تصدقك؟".
الرابط المختصر https://shahed.cc/?p=14267