09:38 am 17 ديسمبر 2018

الأخبار

نجل المضرب عن الطعام في سجون السلطة صلاح الشوامرة يوجه رسالة الى السلطة

نجل المضرب عن الطعام في سجون السلطة صلاح الشوامرة يوجه رسالة الى السلطة

بعد اعتقال والده من قبل أجهزة السلطةوتعرضه للتعذيب واعلانه الاضراب عن الطعام على خلفية مشاركته في مسرة الخليل الاخيرة والتي قمعتها أجهزة السلطة بوحشية، كتب نجل الاسير المحرر والمعتقل حاليا في سجون السلطة صلاح الدين الشوامرة في صفحته الشخصية هذه الصرخة:



"بتعرفوا انه احنا طلاب مدرسة وأبونا استاذ ومربي معتقل في "سجوننا".. سجون بناء الأجيال.. سجون بناء الدولة.. سجون المشروع الوطني.. أبونا المربي نافذ الشوامرة في سجون السلطة!



حلمنا كثير في اللحظة اللي نقعد فيها معه بعد ما تحرر من سجون الاحتلال.. بس أجا سجّان المشروع الوطني ضربنا وضرب النساء بعد صلاة الجمعة في الخليل وأخذ أبونا من بيننا.. انا واخوتي بدنا نروح ننام وبنقول حسبنا الله ونعم الوكيل في اللي حرمنا من حضن أبونا ومن دفا اللمّة والعيلة في الشتا.. حسبنا الله ونعم الوكيل في اللي تربّى ع الذل يخدم المستوطن ويعمل بنشر للجندي ويذل ابن شعبه ويضرب الحُرة ويعتقل المربي ويترك الحشاش والجاسوس..



انا طفل يا جماعة شو بدكم مني لما بشوف هيك بصير مع ابوي.. وهيّو أضرب عن الطعام ضد العربدة وتجاهل القانون وعشان يتحرر بسرعة ويرجع يحضن ولاده..



حسبنا الله ونعم الوكيل في اللي خلاني اشوف دمعة امي ودمعة أختي الصغيرة ليلى.. وبحكي باسم الوطن!



هذا التمكين اللي بتحكوا عنه؟؟ تحرموا الاب من ولاده؟؟ والام من ولادها؟؟ والواحد من حريته؟؟ والوطن من كرامته؟؟ هو التمكين اللي بتحكوا عنه لما تتخبوا والجيش بذبح فينا وبهدم في بيوتنا؟؟ هو التمكين انه تحرموا معلم من مدرسته وجيل من علم وتربية؟؟.. يا حيف وبس يا حيف
"الساكت عن الحق شيطان أخرس".

انتهى..