ناشط: غزة ستحمي المقاومة والعدو يحرك أذنابه لحرف مسيرات وقف الحرب

غزة – الشاهد| حذر الناشط الفلسطيني الشهير أبو سمير العامودي  من استغلال أدوات إسرائيلية للحراك العفوي الذي انطلق من بلدة بيت لاهيا شمالي قطاع غزة للمطالبة بوقف حرب الإبادة الجماعية عليهم.

وقال العامودي في تغريدة: إن “المسيرة عفوية، ومن شارك فيها هم من أبناء غزة، اللي صمدوا وضحّوا وقدموا الشهداء والجرحى. ومن واجبنا نسمع صوتهم، وممنوع حد يخوّنهم، ورأيهم يُحترم”.

وأشار إلى أن العتب من إطلاق أي فلسطيني كلمت ضد أخوه الفلسطيني: “برا برا!”.. فلسطين للجميع.

وأشار إلى أنه “زي ما في ناس ما بدها حماس تحكم غزة، في ناس بدهاش إياهم.. هاي آراء تُحترم، وإحنا شعب بيقول رأيه وما بيخاف من حد”.

وأكد العامودي أنه ضد استغلال المسيرة في المناكفات السياسية.. إذ أن الكل مع مقاومة هالمحتل.

ونبه إلى أن “العدو بده يهجّرنا كلنا، وبيقصفنا بدون تلوين أو تفريق”.

وتساءل: “لو حماس بدها كرسي، ما كانت قامت بهيك عملية، كانت قاعدة بتحكم ومبسوطة.. اللي ضحّى بدمه وقاتل لآخر نفس، ما بيدوّر على كرسي”.

وبين العامودي أن “أذناب الاحتلال، واللي بيفكروا يركبوا الموجة، انسوا. بلادنا محمية بدماء أبنائها.. هلا وقت الحرب: أنا وأخويا وابن عمي على الغريب.

وذكر أن نداءه للمفاوض بأن شعبنا تحمّل ما لا تطيقه الجبال. أي تنازل ممكن يوقف الإبادة، نحن نطالب، لكن لا يشمل الوطن، ولا القضية، ولا الأسرى، ولا المسرى، ولا سلاح الوطن وعزته. فالتنازل هنا جريمة”.

بين أن مخاتير بيت لاهيا قالوا: نحن مع المقاومة، وجزء قال بدنا حماس تحكم غزة. والطرفين وجهة نظرهم تُحترم”.

وقال إن الضفة تُستباح، وما في حماس هناك، بس ننتبه.

وأضاف: “هاي ظاهرة صحية في مجتمع حر، والكل صح، بس ننتبه: إحنا في مركب واحد، يا بنغرق سوا، يا بنعدّي سوا”.

ودعا العامودي للانتباه بأن تكون أداة للعدو.. انتقد، طالب، احكي رأيك، بس بدون تجريح ولا تخوين ولا طعن في ظهر المقاومة.

وأكد أن أهل شمالي قطاع غزة اللي صبروا وأفشلوا التهجير، هم اللي حيحموا المقاومة.. وتحية لكل الأصوات، وآسف إذا طولت عليكم.

وختم: “أنا مع المقاومة، ومع الشعب.. ممكن رأيي يطلع خطأ، مش قرآن كلامي، يعني ما حدا يخوّني”.

الرابط المختصر https://shahed.cc/?p=85641