05:40 am 17 يوليو 2022

الصوت العالي

كتب راسم عبيدات.. وتتوالي انتصارات السلطة العظيمة مبروك الـ4G

كتب راسم عبيدات.. وتتوالي انتصارات السلطة العظيمة مبروك الـ4G

الضفة الغربية- الشاهد| كتب المحلل السياسي راسم عبيدات.. وتتوالى " انتصاراتنا" العظيمة من عهد بوش الأب ومرورا بعهدي اوباما وترامب وعهد بايدن الحالي ،صرنا محصلين (4G) واذا الرئيس الله طول بعمره وخلده يمكن نصل لحد (TenG).

 

كرمال عيونك يا بايدن  خطننا الشوارع وسفلتناها وقمنا بحملة نظافة  وسكرنا الجور  وزبطنا المطبات، احنا بس نشوف اجنبي مسؤول في بلدنا ...كلنا بنلبس بدل وكرافات بنهب نستقبله لأنه عندنا عقدة نقص اسمها  الخواجا ...صدق لو ما جيت لا خططنا شوارع ولا زفتنا ولا نظفنا.

 

المواطن عندنا هاي بالنسبة الوه كماليات،مش لازم نعوده عالراحة . بعدين بصير بده خدمات اكثر لازم نظل مبهدلينه عشان نظل نشحد ونتسول ويكون في قبض وصرف.

 

بقلك السلطة رح يعملوا حفلة مناسف في المقاطعة مفتوحة، لأنه بايدن  تمنن علينا وزارنا . ومواقفه يبنى عليها ...ورح نمدد السنة اللي اعطاهم اياها الرئيس لسنة لقدام لنشوف ..وهلا منيح حصلنا "الجي فور" وبنشد حلينا مع عودة ترامب بنحصل "جي فايف"  وهكذا دواليك.

 

احنا بنقلكم كمان مرة قرارات المركزي عالطاولة...ولا تختبروا صبرنا ...يا رب حد يجي يحطم هالطاولة واللي فوقها واللي تحتها.

 

 

الخاسر الأكبر من زيارة بايدن للمنطقة العربية، هي القضية الفلسطينية، حيث ظهر التماهي الكبير ما بين دولة الكيان وامريكا فيما يتعلق  بحقوق شعبنا الفلسطيني، باستبعاد القدس من أي حل واعتبارها عاصمة لدولة الكيان.

 

ولم يجري الحديث عن وقف الاستيطان، او العودة للمفاوضات السياسية، والأسطوانة المشروخة عن حل الدولتين والعقبات الطويلة التي تعترض تحقيقه، المستوطنات والبؤر الاستيطانية، لم تعد تفسح أي فرصة لمثل هذا الحل فالمستوطنات والبؤر الاستيطانية والطرق والشوارع الالتفافية.

 

حولت التجمعات السكانية العربية في الضفة الغربية الى "كانتونات" غير متواصلة جغرافياُ....ولذلك تركز الحديث عن مساعدات وتسهيلات اقتصادية  ودعم مالي لقطاعات صحية والتعاون في إطار التكنولوجيا  وزيادات لتصاريح العمال وزيادة مدة فتح الجسور  مع الأردن ،والمقابل النظام الرسمي العربي والذي اعلن بشكل واضح فك ارتباطاته القومية والوطنية مع القضية بشكل نهائي.

 

 

 

كلمات مفتاحية: #راسم عبيدات #السلطة #زيارة بايدن #4G

رابط مختصر