بين انهيار السلطة وانهيار الموظف.. أين الحل؟

رام الله – الشاهد| كتبت ريم العمري: طيب بنهاية هذا الجدل كله شو الحلول للموظف ؟؟ سؤال موجه للحكومة شو قدمتوا اقتراحات لمساعدته ؟ اعتقد النقيب اسامة النجار عندما تحدث بحرقة عن انه “اذا كان انهيار السلطة هو الحل فليكن” لم يقصدها بالحرف لكن طفح كيلهم ! ولا احد يريد هذا الحل.

هذه الأزمة من قبل الحرب وتعمقت خلال الحرب ..سنة ونصف والكل متفرج على جميع الأصعدة .. حتى على مستوى تحكم بأسعار وخفضها لم يحدث .. اللحمة اصبحت لمن استطاع اليه سبيلا والبنزين ازمة وكل ما صارت مشكلة مطلوب من الناس تحلها جيبوا فيزا كارد لانه فش تعامل بالكاش ! اخوي في اشي اكبر من الفيزا ما في مصاري الها اصلا.

الكل يقف منتظرا ولا احد يسعى.. ومش بس الموظف والعامل كمان معقول الحكومة توقفت عند هذا الحد ؟؟ طب مين الوزراء شو عملوا ؟؟ هل وظيفتهم اعلام الموظف متى موعد صرف ربع الراتب للشهر قبل الماضي؟.

هذا لسه ما حكينا عن الاقتحامات واغلاق البلدات والقرى .. ما هو الدور الوظيفي اهم من التشريفي .. الناس تريد حلول وليس ترقيع.

الواحد خجلان يحكي من فترة لانه ما يحدث لا يعتبر ذرة ببحر الابادة بغزة لكن بالنهاية هناك وضع واقع على الناس الي بشكوا وما حد سامعهم ..طيب الاضراب مش حل اعطوهم حلول ما هو الحل؟.

الرابط المختصر https://shahed.cc/?p=90581