تفاصيل جديدة عن قمع السلطة مسيرة رام الله اسنادا لغزة

رام الله – الشاهد| روت الناشطة ميسر أبو خليل تفاصيل صادمة عن قمع أجهزة أمن السلطة الفلسطينية للمسيرة التضامنية مع قطاع غزة الذي يتعرض لإبادة جماعية إسرائيلية منذ 600 يوم في مدينة رام الله وسط الضفة الغربية المحتلة.

وقالت أبو خليل في تغريدة: “بنهاية المظاهرة للأسف الشرطة اعتقلت 4 شباب من قادة المظاهرة والذين كانوا يهتفون فيها رغم أنها كانت سلمية تماما، ولم يتم أي تخريب أو سوء أو أذى لحدا، وواضح قديش الناس غضبانة ومقهورة، وطالعين كلنا نوصل صوتنا وبس، ونواسي أهلنا بغزة نحكيلهم إحنا معكم مش ناسيينكم، ونآزرهم بأضعف الإيمان”.

وأضافت: ‘كان في المظاهرة كل لون فلسطيني، سواء ناس مستقلة، أو ناس محزبة من كل الفصائل السياسية دون استثناء”.

وأكملت الناشطة: “النساء لما شافوا الشرطة أخدوا الشباب انجنوا وكأنهم أمهاتهم والله، وأجوا يخبروا الكل، وصاروا يحكولنا ما تروحوا، مش مروحين إلا نأخذ شبابنا، عيب نخذلهم، عيب نروّح نعطيهم ظهرنا”.

وأشارت إلى أن هذا ما حدث فعلا بتنظيم اعتصام مركز الشرطة للإفراج عن الشباب، وبعد ساعات طويلة طلع شاب واحد والبقية لسا.

وقالت أبو خليل إم المؤلم إنو لما طلع مدير مركز الشرطة ليحكي مع الناس، في ست وقفتله وصارت تحكي بغضب وكأنها بركان وحِممه مسّت كل قلب وكل حجر، وكأنها بتحكي عن أهلها الحقيقيين، وولادها إلي من لحمها ودمها، إنو ليه تاخدوا شبابنا؟ همي شو عاملين؟ إخوتنا وولاد بلدنا إلي قاعدة جثثهم بتطير بالهوا، وبيوتهم راحت واتقتلوا ولادهم، مستكثرين علينا نعبّر عن رأينا، نغضب، مش حرام يتاخدوا هالشباب؟ بدكمش تطلعوهم خدونا كلنا”.

وبينت أن المشهد مش زي الحكي أبداً، كنت بشوفه وبعتصر من جواتي وببكي. ليه ليكون هيك مشهد أصلاً؟ متى أنظارنا بدها تتوجه لبوصلة واحدة وهمّ واحد ونصير قلب واحد؟ لمتى حيضل الشباب مكبوت ومدعوس عليه ومهدَد؟ لمتى حنضل متعفنين بمستنقع العجز وقلة الحيلة؟ متى بدنا ندرك إنو لا يغير الله ما في قوم حتى يغيروا ما بأنفسهم؟.

الرابط المختصر https://shahed.cc/?p=86266